Мүйіздену - терінің мүйіз қабатының шектелген қалыңдауы. Ол ұдайы механикалық тітіркенетін жерлерде пайда болады.
Терінің шектелген аймағындағы ысылу және үйкелу жергілікті қан айналымының бұзылыстарына әкеліп, кератинизацияның күшеюіне (мүйізделуіне) әкеліп соғады.
Мүйіздену көбінесе, алақан мен өкшеде пайда болады. Мұның дамуына ыңғайсыз, тар аяқ киім және кәсіптік ерекшеліктер әсер етеді.
Ағаш шеберлерінде (плотник), дәнекерлеушілерде (сварщик) мүйіздену алақан мен саусақ ұштарында (солақайларда - оң жақ) пайда болады. Мүйізденудің өршуіне жалпақтабандық пен тершеңдікке де әкеліп соғуы ғажап емес.
КӨРІНІСІ
Мүйізденудің, көбінесе, айқын шеттері болмайды, оның беті тегіс немесе кедір – бұдыр сарғыш- қоңырқай түсті келеді. Мүйізденген аймақтың сыртқы әсерге сезімталдығы төмендейді. Ауру сезімі қысыммен, залалданумен, жарықтардың пайда болуына тікелей байланысты.
ЕМІ: Қазіргі заманғы дәрі-дәрмектік өндіріс кератолитикалық құралдардың кең спектрін ұсынады. Олардың көбісі мүйізденген жерді жылы-ыстық жергілікті ванналармен жұмсартқаннан кейін қолданылады.
АЛДЫН АЛУ ШАРАЛАРЫ:
* Теріні күнделікті тиянақты күту (әсіресе табан терісін)
* Аяқ киімді дұрыс таңдау
* Жалпақ табан мен тершеңдікті емдеу
* Терінің үнемі зақымдануының алдын алу
* Мүйізденудің дамуына бейім адамдарға А дәруменін ішке қабылдау курстары көрсетілген.
С. Каримова
|