Отбасы және Денсаулық

ДІЛБАС

Sakura — Thu, 06 Nov 2014 09:47:09 GMT

ДІЛБАС

Ділбас (ангина) деп таңдайдағы бадамша бездің бактериялар әсерінен қабынуын айтады. Бұл кесел асқынуға бейім болғандықтан да дәрігер-терапевтің бақылауында болуды, міндетті түрде әрі уақытында емделуді керек етеді. Ділбасты қабынған немесе іріңдеген ділбас деп екіге бөледі. Қабынған ділбастың кезінде таңдайдағы бадамша без қызарады, ал іріңді түрінде боса-болмаса, бадамша без маңайы іріңдейді. Бұлардың арасында ең жиі кездесетіні қабынған ділбас.

ПАЙДА БОЛУ СЕБЕПТЕРІ

Ділбасты тоқсан пайыз жағдайда стрептококк, он пайыз жағдайда стафилококк бактериялары туғызады. Ауру оған шалдыққан адам арқылы тарайды. Кеселді жұқтыру ауадағы түкірік тамшысы, сондай-ақ сырқат адамның пайдаланған ыдыс-аяғы арқылы жұғады. Сондықтан отбасы мүшелерінің біреуі ділбаспен ауырған жағдайда оны басқалардан бөлектеп, өзіне арнайы ыдыс-аяқ бөлу жөн.

БЕЛГІЛЕРІ

Ділбасқа шалдығудың белгілері мыналар болып табылады:

• Тамақтың ас ішкен кезде күшейе түсетін, шұғыл пайда болған қатты ауыруы.

• Дене қызуының 39 – 40 градусқа дейін көтерілуі.

• Жалпы әлсіздік, бастың ауыруы.

• Төменгі жақ сүйектің мойынға тақау тұсындағы лимфа түйіндері көлемінің ұлғаюы.

• Балалар ділбасқа шалдыққан жағдайда осының үстіне тамаққа тәбеті жойылады. Ас ішуден бас тартады, ауызынан сілекей ағып, құлағы ауырады.

• Лакунарлық ділбастың кезінде бадамша бездің көлемі өседі. Ол қызарып, үстін ақтаңдақтар жабады. Фоликуллярлық ділбасқа ұшырағанда да бадамша без ұлғайып, қызарады. Оның үстін айқын сарғыш түсті, әрқайсысының ірілігі күріштің дәніндей көпіршіктер жабады.

АНЫҚТАУ

Ділбасты анықтау клиникалық белгілеріне сәйкес жүргізіледі. Кейде дәрігер дифтерияны білу үшін тамақтан шырыш алуы да мүмкін.

ДӘРІГЕР НЕ ІСТЕЙ АЛАДЫ?

Емнің негізгі түрі антибактериялық препараттар. Науқасқа олардың қайсы сәйкес келетінін дәрігер ауруды әбден қарап, сұрақ қойып, жауап алып анықтайды. Қайсы бір жағдайда ауруды табу үшін таңдайдан шырыш алынуы да мүмкін. Ділбастан өзімді-өзім емдеп айығамын деуге болмайды. Антибактериялық дәрі-дәрмек қолданбайынша, бұл сырқат өздігінен айықпайды. Тамақты шаю, қабынуға қарсы аэрозолдар мен шырындар қолдану бактерияны ешқашан біржола жоя алмайды.

ӨЗІҢІЗ НЕ ІСТЕЙ АЛАСЫЗ?

Ауруды одан әрі асқындырмау үшін сырқаттанған бойда-ақ қозғалмай төсек тартып жатуға тиіссіз. Ащы, қатты және қорытылуы қиынға түсетін тағамдардан бас тартасыз. Бал қосылған сүт, лимон қосылған шай, құс сорпасы, сұйық бөкпен, кисель сияқты сұйықтарды жылы күйде әрі молынан ішуге ден қоясыз. Тамағыңызды жиі-жиі антибактериялық ерітінділермен шайып, антисептикалық қабынуға қарсы ингаляция жасатып тұрасыз. Түрлі аэрозолдар қолдану аурудан тезірек айығуыңызға көмектеседі. Сырқаттың ауыртпалығын азайтады. Бадамша бездің үстін басқан қақты тазартуға, емдік антибиотиктерді өз қалауыңызша таңдауға тиым салынады.

АУРУ АСҚЫНСА НЕ БОЛАДЫ?

Ділбастың асқынуы ревматизм мен гломерулонефритке соқтырады. Бұл екі сырқат та иммундық жүйеге қатысты әрі емделуі қиын. Сондықтанда уақытында емделу, тәндегі стрептококкты жою шарт.

ДЕНГЕ БЕЗГЕГІ

Sakura — Thu, 06 Nov 2014 09:41:00 GMT

ДЕНГЕ БЕЗГЕГІ

Мұны кейде тропикалық безгек деп те атайды. Бұл ерекше ауыр вирустық инфекцияны Aedes aeqypti шыбыны таратады. Ол ақпайтын су қоймаларында болады. Aedes масасы әсіресе күндізгі уақытта өте белсенді.

АУРУ ТУРАЛЫ ЖАЛПЫ ТҮСІНІК

Денге безгегінің ең негізгі белгілерінің бірі – буындардың ауруы. Бұл кесел ежелден келе жатқанмен оның емі әлі күнге табылған жоқ. Оған қарсы егілетін вакцина да жоқ. Бір жақсы жері бұл сырқат адамның өміріне көбінесе қауіп тудырмайды. Тропикалық геморрагиялық безгекті тіршілікпен әуелден бірге жаратылған десек те болады. Бұл денге безгегінің өте ауыр түрі. Оған шалдыққанда денеден қан кетеді. Әсіресе, балалар мен жастарға, солардың денсаулығына қауіпті.

ДЕНГЕ БЕЗГЕГІНІҢ БЕЛГІЛЕРІ

Денгенің де тропикалық геморрагиялық безгектің де белгілері тұмаудың белгілеріне қатты ұқсайды. Яғни:

• Дененің қызуы көтеріледі;

• Сүйек пен буын ауырады;

• Көз қызарып, удай ашып, аштырмайды;

• Жөтел мен мұрыннан су ағу пайда болады;

• Іш өтеді.

• Дене тұтасып бөртіп кетеді.

Науқастан осындай белгілер байқалды дегенше, дәрігерге бару әйтпесе оны үйге шақыру керек.

Осының сыртында тропикалық геморрагиялық безгектің тек өзіне тән белгілері де бар. Олар:

• Екі күннен төрт күнге дейін созылатын іш ауыруы мен құсу.

• Терінің астынан байқалатын қан құйылуы. Мұрыннан, қызыл иектен қан ағуы, қан құсу, дәретке отырған кезде қан кетуі, нәжістің түсінің қараюы, іштен қан кетуі.

• Теріде түйреуіштің басындай көлемдегі қан ұйыған тұстардың пайда болуы.

Мұндай белгілер байқалды дегенше, науқасты ауруханаға жеткізу керек. Жағдай мүлде қиындағандай болса, жедел жәрдем шақырту шарт.

Негізінен адам өміріне қауіпсіз деп есептелінгенмен геморрагиялық безгектің асқынуы науқастың жағдайының үстін-үстін қиындауына, ақырында естен танып қалуына соқтырады. Мұндайда кісі өліп те кетеді.

Асқыну басталған кезде:

• Науқастың түсі бозарады;

• тынысы жиілейді;

• маңдайынан суық тер шығады;

• Терісі жылбысқы күйге енеді:

• Ұйқы басады;

• Тамырдың соғысы жиілейді;

Мұның ақыры сарыауруға да ұласуы мүмкін.

ӨЗІҢІЗ НЕ ІСТЕЙ АЛАСЫЗ?

Тропикалық немесе геморрагиялық безгектің белгісі байқалды дегенше, дәрігерге көрінуге міндеттісіз. Ең тиімдісі - жұқпалы аурулардың маман дәрігеріне барып, қаралыңыз.

ДӘРІГЕР НЕ ІСТЕЙ АЛАДЫ?

Дәрігер сіздің безгегіңіздің түрін анықтайды. Ерте табылып, емі ерте басталған жағдайда безгектің қай түрінен де өмірге қатер төнбейді. Асқынудан сақтану үшін күретамырлық қан қысымын өлшетіп, қанды сараптамадан өткізіп тұру шарт. Аурудың алдын алу мақсатында кейде ауруханаға жатуға тура келуі де мүмкін. Ішке қан құйылуын әйтпесе басқа да асқынуларды ерте анықтау өте маңызды. Уақытында емделмеген жағдайда безгектің де мезгілсіз ажалға ұшырататынын әлгінде айттық. Осы аурудың салдарынан науқасқа қан құюға тура келетін кездер де аз ұшыраспайды. Безгектің қай түрінің де алдын алу үшін шетелдік сапарға шығарда, әсіресе, экзотикалық елдерге барарда тиісті маман дәрігерлермен ақылдасудың артықтығы жоқ. Дәрігер айтқан шараларды мұқият сақтасаңыз, кеңестерін орындасаңыз сапарыңыз ауру жұқтырып алу қаупінен аулақ өтеді. Безгекпен аурудан өзіңіз де құтыласыз, мұндай кеселді өзгелерге жұқтырудан да сырт боласыз.

ГАЛИТОЗ

Sakura — Thu, 06 Nov 2014 09:30:09 GMT

ГАЛИТОЗ

Бұл - медициналық термин. Қазақ мұны ауыздың иістенуі, ауыздан иіс шығуы дейді. Ауыздың көбінесе, иістенуіне оның шырышты қабығының, қызыл иек пен тісттің қабынуы, сондай-ақ ішкі ағзалардың ауруға шалдығуы себеп болады. Мұндай жағдайда ауыздағы иіс оның ішіндегі әйтпесе ішкі ағзалардағы осыған себеп болып тұрған негізгі кеселді емдеп, жазғаннан кейін ғана кетеді.

Ауыздан иіс шығуымен біздің бәріміз де күнделікті кездесеміз. Осы қолайсыз жағдайдың салдарынан қайсы біреулерімізге жұртпен сөйлесіп, жақындап – жуықтаудың өзі тауқыметке айналады. Кейде адамның ортадан аулақтауына өзімен-өзі тұйықталуына бұл да себеп болады. Галитоз біреулерде тұрақты түрде, ал енді біреулерде қарын ашып, ашыққан кезде, әйтпесе тамақтанғаннан кейін пайда болады. Аузынан иіс шығатын, аузы иістенетін адам, әлбетте, міндетті түрде тіс дәрігеріне баруға тиіс.

Алайда жұрттың көпшілігі стоматолог маманға көрінуді қаражат тапшылығына немесе уақыттың жоқтығына байланысты кейінге ысыра береді. Жағымсыз иісті әртүрлі хош иісті құралдарды пайдаланып немесе сағыз шайнап басуды әдет етеді. Бұл, әрине, иісті кетірудің тұрақты жолы емес. Оның үстіне галитоз ауыздағы жағдайдан, ауыздағы кеселден ғана емес, мақаланың басында айтқанымыздай, ішкі ағзалардың сырқаттануынан болуы да әбден мүмкін.

ЖАҒЫМСЫЗ ИІС ТУҒЫЗАТЫН СЕБЕПТЕР

Әлгінде айтқанымыздай, бұл кесел көбіне ауыздың гигиеналық жағдайынан туындайды. Яғни, ол ауыздағы бактериялар тіршілігі салдарынан пайда болады. Ал олар ауыздың шырышты қабығын, қызыл иек пен тіс қабын мекендейді. Ауыздағы бактериялардың өсіп-өнуіне шырышты қабықтың және тістің жегі (кариес), пародонтит, пародонтоз, гингивит, стоматит, оның ішінде герпестік стоматит секілді сырқаттары себеп болады. Сондай-ақ, галитоз ауыздың шырышты қабығының құрғауы салдарынан туындауы да мүмкін. Оған сілекейдің бөлінуінің азаюы, ауызды ашып ұйықтау, ауыз арқылы тыныстау, темекі тартып, арақ ішудің септесетін кезі аз емес. Кейде сарымсақ, жуа жеп, кофе ішкеннен кейін де ауыздың иістенуі ықтимал.

Галитоздың ішкі ағзадағы сырқаттардың салдарынан пайда болуы мүмкін екенін жоғарыда айттық.

Ондай кеселдердің қатарына мыналар жатады:

• Тыныс жолының бронхоэктаз сияқты аурулары мен өкпенің абсцесі;

• Асқазан - ішек жолының сырқаттары, оларға гастрит, гастродуоденит, асқазан жарасы және басқа да науқас түрлері жатады;

• Мұрын ішінің тонзиллит, ринит сияқты созылмалы қабыну кеселдері;

• Бүйрек жұмысының жетімсіздігі, азотемия. Ондайда ауыздан аммиактың, несептің исі шығады.

• Диабеттік кетоацидоз, мұндайда ауыздан жеміс дәміндей тәтті иіс шығады.

АУЫЗДАН ШЫҒАТЫН ИІСТІ ЕМДЕУ ЖОЛДАРЫ

Егер галитоздың себебі ауызға дұрыс күтім жасалмауы, гигиеналық талаптардың сақталмауы болса, онда дұрыс тіс қылсабын сатып алып, ауызды жүйелі түрде мұқият тазалауды әдетке айналдыру керек. Ал ауыздан шығатын иіс ауыздағы әйтпесе ішкі ағзалардағы ауруға байланысты болған жағдайда стоматолог - дәрігерге әйтпесе басқа да салалық дәрігер-мамандарға көріну керек. Себебі, галитоз, түптеп келгенде, ауыз іші мен ішкі ағзаларда пайда болған сырқаттың салдары, соның хабаршысы ғана. Сағыз шайнап, хош иісті заттар пайдаланғанмен, олар ауыздағы иістің түпкі себебін жоя алмайды. Біраз уақыт басылғанмен, ауыздың иістенуі, ауыздан иіс шығуы одан әрі жалғаса береді. Галитоздың алдын алудың да, одан біржола құтылудың да, негізгі шаралары ауызды мұқият тазалап тұру мен оның ішіндегі кеселдерді және ішкі ағзалардағы ауруды анықтап, емдеп - жазу болып табылады.

БАСПАСӨЗ – 2015

Sakura — Thu, 23 Oct 2014 09:28:58 GMT

БАСПАСӨЗ – 2015

Қадірлі оқырман!

«Отбасы және Денсаулық» журналына 2015 – жылға жазылу басталды.

Жазылуды ұмыт қалдырмаңыздар!

Біздің жазылу индексіміз: 75621

Жазылудың бағасы:

Алматыда: Басқа қалаларда: Ауылда:

1 айға 280,31 284,65 288,27

3 айға 840,93 853,95 864,81

6 айға 1681,86 1707,90 1729,62

12 айға 3363,72 3415,80 3459,24

Журналға «Казпочта», «Евразия - пресс», «Эврика - пресс», «Ернұр - пресс», «Дауыс» баспасөз тарату жүйелерінің кез – келген бөлімшесінен жазыла аласыздар. Сіздерге өтініш - Қазақ баспасөзінің келешек өркен жаюына өз үлесіңізді қосудан қалыс қалмаңыз! Индекс: 75621

АУРУДЫҢ АЛДЫН АЛАМЫН ДЕСЕҢІЗ, ГАУХАРДЫҢ САУЫҚТЫРУ ОРТАЛЫҒЫНА КЕЛІҢІЗ

Sakura — Thu, 23 Oct 2014 09:05:01 GMT

АУРУДЫҢ АЛДЫН АЛАМЫН ДЕСЕҢІЗ, ГАУХАРДЫҢ САУЫҚТЫРУ ОРТАЛЫҒЫНА КЕЛІҢІЗ

Бұл орталық қайда?

Бұл орталық – Алматыдағы Қарғалы мөлтек ауданы Новая көшесіндегі №7 үйде.

Гаухар кім?

Гаухар Отарбаева осы сауықтыру орталығының бас директоры, ресми медицина мен дәстүрлі медицинаның сауықтыру әрі емдеу тәсілдерін қатар меңгерген, қазақша айтқанда, екі енені тел емген бес аспап маман. Ол Асфендияров атындағы Алматы медицина университетін бітірген терапевт-дәрігер, кәсіби халық емшісі. Қазақстанның құрметті халық емшісі, Қазақстанның жұлдызды емшісі, Қазақстанның үздік емшісі атақтарының иегері, медициналық және космоэнергетикалық экология халықаралық академиясының академигі.

Емшілік тұқым қуалайтын, қанмен берілетін қасиет. Гаухарға ол анасы жағынан дарыған. Гаухардың анасы Тұрсынбала Хамидоллақызы Қоңыратбаева да кәсіби құрметті халық емшісі болған. Қазақстанда дәстүрлі халық медицинасының «Тәнді тазалау мен сауықтыру» аталатын саласын қалыптастырып, осы бағыттағы баға жетпес дәстүрлі ем-домға жол ашқан да сол кісі.

Аналарының бастаған ісін қазір балалары жалғастыруда. Гаухардың сауықтыру-емдеу орталығы бүгінде өз елімізді былай қойғанда, бүкіл постсоветтік кеңістік жұртына кеңінен таныс. Мұнда емделушілер ауыл-аймақты айтпағанда Ресейдің Мәскеу, Санкт-Петербург, Өзбекстанның Ташкент, Самарқанд, Тәжікстанның Душанбе, Қызғызстанның Бішкек, Ош сияқты медицинасы дамыған ірі қалаларынан да келеді.

Орталықта олардың сауығуы мен емделуіне неғұрлым қолайлы жағдай жасалған. Жататын орын да, емделетін құрал-жабдық, дәрі-дәрмек те сайлы. Енді «мың сіз-бізден бір шыз-быж» демекші, Гаухардың осы әйгілі сауықтыру мекемесі алдын алатын және емдеп айықтыратын кеселдермен таныстырайық.

ҚАНДАЙ СЫРҚАТТЫ ЕМДЕЙДІ?

1. ТЕРІ АУРУЛАРЫ

• Нейродермит

• Экзема

• Псориаз

• Безеу мен бөрткен

2. ІШКІ АҒЗАЛАРДЫҢ АУРУЛАРЫ

* Тыныс алу ағзаларының кеселдері

* Асқазан-ішек сырқаттары

* Зат алмасуға байланысты дерттер

3. МҰРЫН КЕҢСІРІК КЕСЕЛДЕРІ

* Гайморит

* Синусит

ҚАЛАЙ ЕМДЕЛЕДІ?

• Қолмен үгу-үзу (массаж)

• Биоқуатпен емдеу

• Дәрігер-емшінің өз рецептімен әзірленген тұнбалар мен қайнатпаларды қолдану.

• Бауыр мен бүйректі тазалау шаралары.

АЖАЛ ІШЕКТЕН БАСТАЛАДЫ

Швейцар дәрігері, доктор КЕЛЛЕРДІҢ тұжырымдары:

ІШ ҚАТУЫ ҚАЙДА АПАРЫП СОҒАДЫ?

Асқазанға әсері: асқазан жұмысының бұзылуы, асқазан жарасы, асқазанның төмен түсуі, асқазанда қатерлі ісіктің пайда болуы, іштен сасық иістің шығуы.

Бүйрекке әсері: бүйрекке тас байлануы, бүйректің шаншуы.

Жүйкеге әсері: ұйқының қашуы, торығуға ұшырау, ашушаңдық, көкайылдыққа шалдығу.

Аяққа әсері: аяқтағы көктамыр бойында қанның ұйып қалуы, аяқтағы көктамырдың варикоздық кеңеюі.

Тоқ ішекке әсері: тоқ ішектегі геморойттық кеселдер, тоқ ішектің қатерлі ісікке шалдығуы.

Бауырға әсері: бауыр қызметінің бұзылуы, өт қабында тастың түзілуі, бауырдағы кесел салдарынан улану.

Соқырішекке әсері: созылмалы немесе жедел соқырішекке ұшырау.

Қанға әсері: қан аздығы сырқатына, қан құрамының патологиялық бұзылуына шалдығу. Осылардың салдарынан дененің барлық торшаларында сырқат туындайды.

Іштің төменгі бөлігіне әсері: ішкі ағзалардағы түрлі іркілістер. Осының салдарынан жатырдың, аналық бездердің, фаллопиев түтікшелерінің, бір сөзбен жыныс мүшелерінің созылмалы сырқаттары пайда болады.

Теріге әсері: денеде әртүрлі бөртпелер қаптап кетеді.

«ТӘНДІ – СУ, АҚЫЛ-ОЙДЫ – БІЛІМ, ЖАНДЫ – КӨЗ ЖАСЫ ТАЗАЛАЙДЫ»

Көне заман кемеңгерлері

АСҚАЗАН МЕН ІШЕКТІ ШАЮ

• Бұл сауықтырушылық шара – асқазан мен ішектің шырышты қабығындағы бөгіп жатқан зиянды қалдықтарды сыртқа айдап шығады. Ас қорыту жүйесінің қалпына келтіреді.

• Бауырдың, өт қалтасы мен ұйқы безінің жұмысын жақсартады. Сусамыр сырқатының жеңіл түрлерінен айықтырады.

• Тәндегі зат алмасуды дұрыстайды. Асқазан - ішек жүйесіндегі созылмалы соқырішек, созылмалы шаншу кеселдерінен, жыныстық жүйедегі кеселдерден, бедеулік сырқатының кейбір түрлерінен айықтырады.

• Иммундық жағдайға байланысты туындайтын барлық дерттерге қарсы мықты иммунитет қалыптастырады

. • Сондай-ақ асқазан мен ішек жолын тазалау адамның өңіне де өзгеріс әкеледі.

• Бетке қан жүгіріп, тері жаңғырып-жасарады. Бет-әлпет те, дене де бөрткеннен арылады. Бастың, көздің, кеңсіріктің, тістің ауруларын, созылмалы тонзилит тиылып, сауығады. Ұйқы жақсарып, дем түрлі иістерден арылады.

• Сондай-ақ, ішекті тазалау дәреттің жүйелі жүруін қамтамасыз етеді. Іш қатпайтын болады.

БАУЫРДЫ ТАЗАЛАУ

Осы заманғы жасанды тағамдар бауырға үлкен салмақ түсіреді, оның ластану қарқынын жеделдетеді. Оның үстіне тоқ ішектен келетін уыт, лас заттар және бар. Алайда, бауырдың мүмкіндігі аса зор. Ол бәріне төтеп береді. Дегенмен, зерттеулерге қарағанда, адамның бауыры 30-40 жастың маңайында ластанып, жұмысы нашарлай бастайды. Кісі былайша, сырттай қарағанда сап-сау көрінгенмен, оның ішінде бұғып жатқан кесел қалай да денсаулығына зардабын тигізеді. Ондай адам тез шаршайды, ауруға ұшырауы да қазір, созылмалы кеселдер бірінен соң бірі айналдырады. Бауырды тазалаған кезде билирубиндік тастар, сап-сары, қоймалжың холестерин ұлпалары шығады. Өңі қап-қара өт ағады. Бауыры шанышатындар мен жамбас ағзалары қабынғандардан тазалау кезінде жабысқақ, қоңыр шырыш көп бөлінеді. Ішкі ағзаларыңыздан шыққан қалдық заттарды көргенде сізді денеңізде тұнып қалған осы «жарылғыш бомбалардан» құтылғаныңызға деген қуаныш билейді! Бауыр тазаланғаннан кейін тәніңіздегі бүкіл зат алмасу үдерісі жақсарады. Соның нәтижесінде мүсініңіздің сымбаты артып, теріңіз мап-майда, жұп-жұмсақ күйге енеді. Жұмысқа қабылетіңіз артады. Ұйқыңыз жақсарады. Ұшы-қиырсыз шаршауды, үнемі қажып жүруді артта қалдырасыз. «Ауырмайын десең, ауырудың алдын ал», - деп өте орынды айтылған. Іштің тазалығы, ішкі ағзаларды тазалау, сіздің сау-сәлемат, бақытты да, нәтижелі ғұмыр кешуіңіздің басты шарты, ең жақсы кепілі.

ІШТІ ТАЗАЛАҒАННАН КЕЙІНГІ ЕМ-ДӘМ МӘЗІРІ

Сауықтыру шараларынан кейінгі алғашқы үш күнде тек мына төмендегідеі ас-су түрлерімен қоректенесіз.

1. Етін қуырмай әзірлеген борщ

Дайындау тәсілі: 300 г ет. Бұл қойдың, шошқаның еті емес, тек сиырдың, жылқының, әйтпесе тауықтың майсыз еті болуға тиіс. Оны суға салып, піскенше қайнатасыз да, сорпаға орамжапырақ, сәбіз, қызылша, жуа, картоп, аскөк, тұз, қажет етсеңіз өз қалауыңызша қант саласыз.

2. Суға пісірілген бөкпен (каша). Мұны күріштен, қарақұмықтан, сұлыдан, тарыдан, арпадан және басқа жармалардан әзірлейді. Дайындау тәсілі. 3-4 ас қасық - жарманы суға салып, қашан дайын болғанша, пісіру керек. Содан кейін үстіне әркімнің өз қалауынша тұз бен қант салынады. Аздап сары май қосылады.

3. БУҒА ПІСІРІЛГЕН, БҰҚТЫРЫЛҒАН НЕМЕСЕ ҚУЫРЫЛҒАН КӨКӨНІС

Бұларды іш тазартылған алғашқы екі күнде емес, тек үшінші күні ғана жеуге болады. Сауықтыру шарасынан соң, үш күн бойы сүт ішуге, сүттен жасалған, сүттен ашытылған тағамдарды пайдалануға болмайды. Ал төртінші күннен бастап, сүтті де, айранды да, қымыз бен шұбатты да емін-еркін ішіп, ірімшікті, сүттен жасалған және басқа тағамдарды жей беруіңізге болады. Іш тазартылған алғашқы үш күнде жаңа пісірілген нан жеуге де болмайды. Күніне тек үш-төрт кесек қуырылған немесе кептірілген нан ғана жеу керек. Ал сусыннан қара шай, қайнаған су, газдалмаған минералды су, кептірілген жемістен қайнатылған компот, қайнатылған итмұрын тұнбасын ғана ішесіз. Шай ішкенде карамель кәмпит (бір-екі дана), крекер және балаларға арналған күлшелерді жеуге болады. Сондай-ақ, кептірілген сары өрік пен жүзімді де пайдалана аласыз.

ІШ ТАЗАРТЫЛҒАННАН КЕЙІН ОН КҮН БОЙЫ МЫНА АС-СУ ТҮРЛЕРІНЕ ЖОЛАМАЙСЫЗ:

Бұршақ, арпа, манный жармасы, ірі бұршақ өнімдерінен әзірленген тағамдар.

Қой мен шошқаның еті, қуырылған, қақталған және ащы тағамдар.

Алкогольді ішімдіктер.

Үш күн бойы денеге күш түсіретін қара жұмыс атқармайсыз.

ҚАНАДАН АСЫРЫП ТАМАҚТАНБАЙСЫЗ!

Бұл ретте сауықтыру саласындағы зерттеуші маман Г. С. Шаталованың мына сөзін басшылыққа алған жөн: «Бір тамақтанғанда қанша мөлшерде тамақ ішуге болатынын білгіңіз келсе, екі алақаныңызды бір-біріне қосып, ожау құсатып ұстаңыз да, үстіне су құйыңыз. Содан кейін оны ыдысқа құйыңыз. Сол судың көлемі қанша болса, созылмай қалпында тұрған асқазаныңызға сиятындай астың көлемі сондай». Мұны ардақты пайғамбарымыз Мұхаммедтің (с.ғ.с.) хадистерінде айтылған тұжырымның ғылыми дәлелі десек те болады.

ІШТІ ТАЗАРТУҒА КЕДЕРГІ БОЛАТЫН ЖАҒДАЙЛАР:

Асқазандағы немесе ұлтабардағы жара, эрозивті гастродуоденит (ФГДС-тің көрсеткішін міндетті түрде әкелу керек), іш қуысына жасалған операция, геморройдың жедел түрі, сусамыр кеселі, реактивті панкреатит, өттегі немесе бүйректегі тас (УЗИ-дің көрсеткішін міндетті түрде әкелу керек), күретамырлық гипертензия, гипотония, қан аздық ( қанның биохимиялық сараптамасын міндетті түрде әкелу керек), бауыр шемені, жүрек қан тамыры сырқаттары (ЖИС, жүректің ақауы, аритмия) – бұларға міндетті түрде ЭКГ көрсеткішін әкелу керек, цитрус тұқымды жемістерге аллергия, жүктілік, лактация, подагра, бауырдың жұқпалы аурулары (эхинококкоз, лямблиоз, описторхоз), бүйрек қызметінің созылмалы жетіспеушілігі, туберкулез, диспансерлік есепте тұру.

ІШ ТАЗАРТТЫРУҒА КЕЛГЕНДЕ ӨЗІҢІЗБЕН БІРГЕ МЫНАЛАРДЫ ӘКЕЛУГЕ ТИІССІЗ:

ЭКГ, ФГДС, УЗИ көрсеткіштері, қанның биохимиялық сараптамасы (бір айдан аспау керек). Сондай-ақ мынадай төсек-орын жабдықтарын әкелесіз: ақ жайма, көрпе тыс, жастық қап, қол сүртетін с үлгі, бөлмеге киетін тәпішке, дәретхана қағазы, 6 лимон, 250 г зәйтүн майы. Киіміңіз маусымға лайық болуы керек: спорт костюмі, әйелдерге халат.

Сауықтыру орталығының мекен-жайы: Алматы қаласы, Қарғалы кооператив техникумы, Новая көшесі, №7 үй, №119 автобустың соңғы аялдамасы. Телефондары: 8(727)2 999-119, 8 702 677 79 72, 8 777 692 73 80. Алдын ала жазылу, телефон арқылы кеңес беру күн сайын сағат 14. 00-ден 19. 00-ге дейін жүргізіледі. Демалыс күндері: сейсенбі, сәрсенбі. Бұл күндері орталыққа телефон шалуға болмайды. Жұмыс күндері: дүйсенбі, бейсенбі, жұма, сенбі, жексенбі.

СОЗЫЛМАЛЫ БРОНХИТ

Sakura — Thu, 23 Oct 2014 08:24:42 GMT

СОЗЫЛМАЛЫ БРОНХИТ

Бұл бронхиттің кілегей қабығының созылмалы түрде қабынып, гипертрофиялық содан кейін атрофиялық процестердің дамуы. Процесс бронхтың терең қабаттарына және өкпе тканіне тарайды.

Дуниежузілік Денсаулық Сақтау Ұйымының ұсынысы бойынша созылмалы бронхит деп екі жыл қатар және әр үш жылда, кем дегенде, үш ай бойы қақырық тастауды айтады. Негізгі ce6eптерi микробтар - пневмококтар, стептококтар, вирустар т.б. Бронхитке мұрын-көмекей инфекциясымен (гайморит, ринит, тонзиллит) ауыратын адамдар бейім болады. Механикалық және химиялық, тітіргендіргіштердің (көмір, цемент, әктің шаңы, булар және дәрілер) әсерінен де болады. Бронхиттің дамуына организмнің бейімділігін тудыратын факторлардың (салқын тию, шаршау, темекі және ішімдік) да маңызы зор. Көрсетілген себептер бронхтың кілегей қабығына әсер етіп, оның кілегей жасау және сыртқа шығару (дренаж) функциясын бұзады. Осыған аллергиялық механизм қосылып, бронхтың туйілуін тудырады. Бұл бронхтың сыртқа шығару функциясының нашарлайтынына соқтырады. Бронх өзегінің өткізгіштік функциясы бұзылады. Бронхтың кілегей қабығы қызарып, гипертрофиялық процесс дамиды. Үдей келе ол атрофиялық процеске ауысады да бронх қабырғасында дәнекер ткані өсе бастайды. Бронх қабырғасының жұқарған жерлерінде бронх кеңіп, бронхоэктаздар пайда болады. Дәнекер тканінің өcyi, қабыну процесінің бронхтың сыртына және бронхтың айналасына ығысуы пневмосклероз дамуына жағдай туғызады. Бронх қабырғасында тыртықтар пайда болып, деформацияға ұшырайды. Бұл - өкпе эмфиземасын тудырады. Қабынудың өкпе тканіне тарауы созылмалы пневмонияның дамуына әкеледі. Созылмалы бронхиттің екі түрi болады: катаралды, қарапайым және ipiңді. Функциялық тұрғыдан олар обструктивті және обструктивсіз болады.

Рентгенологиялық тексеруде деформацияланған өкпе суретінің фонын көреміз. Өкпе түбінен басталатын тартпа тәрізді көлеңке өкпенің шетіне қарай тарап, біртіндеп жойылып кетеді. Қабырға аралық кеңістіктер кеңейіп, диафрагма күмбезінің қозғалысы шектелген.

Х.Б. Умирбаева, жоғары санатты рентгенолог дәрігер,

жоғары санатты рентгенолог дәрігер, Ақтау қаласы, Маңғыстау обл.

ЗАҚЫМ КЕЗIНДЕГI ШҰҒЫЛ КӨМЕК

Sakura — Sat, 02 Aug 2014 09:50:52 GMT

ЗАҚЫМ КЕЗIНДЕГI ШҰҒЫЛ КӨМЕК

Аяқ-қолдың сынуы мен шығуы жиi кездесетін жағдай. Ондайда зақымданған жанға көрген жан қандай көмек көрсетуге тиіс?

Ең басты есте сақтайтын нәрсе жарақат алғаннан кейiн жарты тәулiктен асырмай сынықшы дәрiгерге (травматолог) көрiну қажет. Одан кейiнге қалса, сынған сүйектiң ара-жiгi қосылып кетедi де, сынықшыға оны қайтадан сындыруға тура келедi.

Сүйек сыртындағы терiнiң сыртына шығып та, шықпай да майып бола бередi. Негiзгi белгiлерi сынған тұс қатты аурады. Үстiндегi терi қызарып, талаурайды, iсiнедi, сынған мүшенi қимылдату қиынға түседi. Сүйегi сынып, зақымға ұшыраған адамға алғашқы көрсетiлетiн көмек мынадай.

* Сынық ашық түрде болса, қанды тоқтату керек.

* Ауруды басу үшiн анальгин, баралгин секiлдi анальгетиктер iшу қажет.

* Тақтай немесе басқа да тегiс нәрсе тауып сынған аяқ-қолды қозғалмайтындай етіп дәкемен шандып, таңып тастау шарт. Егер басқа ештеңе қолға түспесе сынаған аяқты екiншi сау аяқпен қосып, ал сынған қолды денеге жапсырып тапжылмайтындай жағдайда таңып тастауға болады.

* Егер омыртқа сынса, жарақат алған адамды үстелдiң беткi тақтайына, тiптi болмаса есiктiң тақтайына шалқасынан таңып тастау жөн.

* Тез жедел жәрдем шақыртқан жөн. Ол келгенше зақымға ұшыраған адамды орынынан қозғауға болмайды.

Сүйектiң шығуы сынуға қарағанда көп жеңiл. Шыққан сүйек орнынан тайып, әдеттегi қалпын өзгертедi. Шығу да сыну тәрiздi терiнiң қызарып, қатты iсуiмен, ауыруымен қабаттаса жүреді.

Сүйек шыққанда жасалатын алғашқы көмек мынадай:

* Шыққан сүйектi өзiмiз саламыз, өзiм саламын деп талаптанудан аулақ болу шарт.

* Сүйектiң тайған тұсына полиэтилен қалтаға орап мұз немесе бөтелкеге құйып мұздай су басу керек.

* Қолдың буыны тайса бiлектi сүлгiмен, белбеумен, шалмамен мойынға нығыздап асып қою керек.

* Ауру сезiмi анальгетик дәрiлердiң бiрiн iшкенде, бірден басылады.

Распространенность бронхиальной астмы и рецидивирующего обструктивного бронхита в детском возрасте

Sakura — Sat, 02 Aug 2014 09:47:46 GMT

Распространенность бронхиальной астмы и рецидивирующего обструктивного бронхита в детском возрасте

Наурызалиева Ш.Т., Байжанова М.М, Иманкулова К. Д (Научный центр педиатрии и детской хирургии МЗ РК, г.Алматы, Казахстан)

Изучение распространенности бронхолегочных заболеваний у детей, в том числе рецидивирующего обструктивного бронхита и бронхиальной астмы является одним из важнейших разделов современной пульмонологии детского возраста [1,2.3,4,5,6,7]. В структуре детской инфекционной заболеваемости болезни респираторного тракта занимают наибольший удельный вес (до 80%), причем до 60% в этой группе составляют бронхиты различной этиологии[8,9,10]. По имеющимся литературным данным первый эпизод бронхиальной обструкции более, чем у половины детей развивается во время острых респираторных заболевании (ОРЗ) на втором году жизни. Довольно часто бронхиты повторяются на 3-4 году жизни [11,12,13,14]. Высокой распространенности бронхитов в раннем возрасте способствуют анатомо-функциональные особенности дыхательной системы у детей, такие как интенсивное кровоснабжение, узкий просвет бронхов, медленное движение слизи в бронхах и низкий уровень местной системы иммунитета. Все это способствует быстрому истощению защитных механизмов и развитию воспалительного процесса в стенках бронхов или полной их обструкцией.

БА, являясь одним из наиболее распространенных хронических заболеваний, которому подвержены люди всех возрастных групп, рассматривается в современном обществе не только как крупная медицинская, но и социально значимая проблема. Увеличение распростаненности данного заболевания отмечают во многих странах – США, Англии, Новой Зеландии, Австрии, России. Как отмечается в Национальном Консенсусе, помимо высокой распространенности (при этом заболеваемость у детей опережает таковую у взрослых) и утяжеления болезни, характеризующейся прогрессирующим течением. Поэтому вопросы профилактики, эффективного лечения и повышения качества жизни больных БА являются актуальными для большинства стран мира [15,с.5;2,с.10]. Распределение по степени тяжести больных астмой, выявленных эпидемиологическими методами, выглядит следующим образом: 70%—легкая степень, 25% — средняя и 5% — тяжелая и существенно отличается от такового по данным официальной медицинской статистики, где легкие формы составляют около 20%, средней тяжести — 70% и тяжелые — 10% [15,с.8]. Астма — мультифакториальная болезнь и на ее распространенность и тяжесть течения влияют генетические факторы, микроокружение, климат, уровень развития общества, материальная обеспеченность, социальная и расовая принадлежность, а также до конца непонятные глобальные факторы. Для выявления роли каждого из них в эпидемиологии болезни необходимым условием является использование близких, желательно единых критериев и подходов в оценке частоты встречаемости астмы в различных странах и группах населения.

Определенные трудности в точной оценке распространенности БА у детей, особенно раннего возраста, представляют рецидивирующий кашель и свистящее дыхание. Изменения в классификации респираторных симптомов, произошедшие за последние годы, коснулись и этого вопроса; в частности, в рекомендациях Глобальной инициативы (GINA) и Национальной программы по бронхиальной астме (Россия) в педиатрии утверждается, что следует избегать у детей таких терминов, как рецидивирующий обструктивный бронхит (РОБ), синдром свистящих хрипов, астматический компонент при респираторно-вирусных инфекциях и т.п.; правильнее использовать термин «бронхиальная астма», что обосновывает назначение таким больным противоастматической терапии [16].

По некоторым данным на рецидивирующие обструктивные бронхиты из числа детей, состоящих на учете как часто болеющие, приходится до 20-25% [17], а иногда – и до 30% [18,19]. Эпидемиологические исследования последних лет с использованием современных критериев диагностики бронхиальной астмы позволяют считать, что рецидивирующие обструктивные бронхиты являются манифестацией бронхиальной астмы [20,21,22].

Причинами роста заболеваемости БА считаются следующие факторы [23,24]:

- увеличение числа детей, находящихся на искусственном вскармливании;

- изменение образа жизни («западный образ жизни»), что подразумевает наличие герметично закрытых окон, систем кондиционирования воздуха, ковровых покрытий и т.д., что приводит к повышению влажности и созданию условий для концентрации домашней пыли и других аллергенов в помещениях;

- увеличение распространенности курения среди матерей;

- изменение стереотипов ухода за ребенком - дети более рано начинают посещать детские дошкольные учреждения, где они более подвержены заболеваниям ОРВИ.

- воздействие аэрополлютантов, источником которых являются автомобильный транспорт, газовые плиты, открытые источники тепла.

Таким образом, обструкция дыхательных путей является следствием воспалительных изменений в бронхах мелкого калибра. Наиболее часто (90-95%) воспаление вызывается двумя патологическими состояниями: аллергией и инфекцией. В практической деятельности врача трудно различить, развивается ли бронхообструктивный синдром на основе инфекционного воспаления или является манифестацией БА.

В диагностике бронхообструктивных заболеваний особое место занимает исследование функции внешнего дыхания. В современной педиатрической практике широко используется у детей с респираторными симптомами исследование функции внешнего дыхания (ФВД). При заболеваниях бронхолегочной системы нарушения в системе внешнего дыхания могут быть обусловлены вентиляционной недостаточностью, изменением вентиляционно-перфузионных соотношений и диффузионными расстройствами. Обычно эти причины сочетаются при хронических заболеваниях респираторной системы, однако наиболее доступно для исследования изучение состояния вентиляционной функции легких, которая обеспечивает доставку кислорода из воздуха в легочные альвеолы и удаляет углекислый газ из альвеол в атмосферу. Для этого необходимо наличие достаточного количества функционирующих альвеол, а также отсутствие препятствия на пути воздуха до альвеол и обратно. В соответствии с механизмами нарушения вентиляции выделяют 3 формы вентиляционной недостаточности (ВН): обструктивную, рестриктивную и комбинированную.

Помимо статических легочных объемов обязательно исследуются динамически легочные объемы: форсированная жизненная емкость легких (ФЖЕЛ), объем форсированного выдоха за 1-ю сек (ОФВ1), их процентное соотношение ОФВ1/ФЖЕЛ), пиковая скорость выдоха (ПСВ), реже - максимальная вентиляция легких (МВЛ). Все исследуемые параметры выражаются в процентном отношении к должным величинам, которые рассчитываются индивидуально для каждого пациента с учетом их физического развития. Степень и форма ВН устанавливаются в зависимости от выраженности отклонений показателей (статических и динамических легочных объемов). Многолетние клинико-функциональные исследования детей с хроническими воспалительными заболеваниями легких показали, что течение этих заболеваний во многом определяется объемом поражения респираторных структур, характером изменений бронхов и частотой и тяжестью обострений. Поскольку хронический процесс в легких у детей, как правило, возникает в раннем возрасте, когда структуры респираторной системы (альвеолы, бронхи, сосуды) продолжают свою дифференцировку и развитие, поэтому компенсаторные возможности у детей гораздо выше, чем у взрослых. Вот почему нарушения функции внешнего дыхания у части детей отсутствуют даже при значительном поражении бронхолегочной системы.

Диагностику нарушений бронхиальной проходимости проводят на основании оценки легочных объемов (ФЖЕЛ и ОФВ1) и скоростных показателей (максимальных скоростных поток в отрезках выдоха 25,50 и 75% ФЖЕЛ, пиковой скорости выдоха). В современных приборах можно сопоставить несколько кривых поток-объем, на основании чего судят о правильности выполнения маневра. Наложение кривых или их тесное расположение дает представление о правильности выполнения маневра и хорошей воспроизводимости показателей. В процессе выполнения маневра форсированный выдох выполняется из положения максимального вдоха, при этом время выдоха не устанавливается в отличие от исследования взрослых пациентов. Сам форсированный выдох является функциональной нагрузкой, поэтому между попытками необходимо выдерживать паузы. Но даже в этих условиях редко, но можно наблюдать так называемую обструкцию от спирометрии, когда с каждым последующим маневром наблюдается уменьшение площади под кривой и соответственно снижение регистрируемых показателей. показатели выражаются в процентах от должной величины. Для оценки границ нормальных значений применяют персентильное распределение [25]. Анализ показателей кривой поток-объем (КПО) позволяет выявить нарушения бронхиальной проводимости, тяжесть или степень этих нарушений, а также уровень поражения бронхов: нарушения проходимости мелких (или периферических) бронхов, крупных (или центральных) бронхов или их сочетание (генерализованные нарушения). Вопрос об обратимости выявленной обструкции дыхательных путей решается с помощью тестов с ингаляционными бронхолитиками (бронходилататорами). Для правильной оценки теста, если пациент получает бронхолитики, их надо необходимо отменить до начала исследования:

1. бета2 агонисты короткого действия – за 6 часов;

2. бета2 агонисты длительного действия – за 12 часов;

3. пролонгированные теофиллины – за 24 часа.

При исходном исследовании функции легких у детей важно обращать внимание на воспроизводимость показателей: разница между максимальным и минимальным значением показателей ОФВ1 и ФЖЕЛ не должна превышать 5%. В случае плохой воспроизводимости кривой, а также у больных с симптомом бронхообструкции от спирометрии дальнейшая оценка прироста показателей будет затруднительна и необъективна. До настоящего времени нет единых подходов в оценке бронходилатационного ответа [25]. Общепринята оценка по абсолютному приросту величины ОФВ1. Это связано с тем, что при изучении воспроизводимости показателей кривой поток-объем наилучшая воспроизводимость оказалась у показателя ОФВ1.

Проблема рецидивирующего обструктивного бронхита остается актуальной не только в педиатрий, но и в терапевтической практике Практика свидетельствует, что под маской РОБ при выраженном обструктивном синдроме, могут скрываться не диагностированные другие хронические заболевания легких, в частности БА. К сожалению, при РОБ не существует единых подходов, не разработан алгоритмы диагностики и тактика реабилитации таких детей. Между тем своевременная дифференциальная диагностика БА и РОБ на тактику лечения и реабилитаций, и улучшает качество жизни больных детей.

Таким образом, БА и РОБ у детей является не только проблемой педиатрии. В настоящее время их решения относятся не столько к общемедицинским задачам, сколько к социально-экономическим. Разработка комплексного плана борьбы с этими заболеваниями возможна только на основе результатов массовых ЭИ, позволяющих получить достоверные, не зависящие от качества здравоохранения данные о распространенности болезни в различные возрастные периоды, распределении ее по степени тяжести, выяснить провоцирующие и приводящие факторы заболевания и установить основные причины ее поздней диагностики. Только на этом основании можно разработать наиболее оптимальные подходы к профилактике этой патологии в детском возрасте.

СПИСОК ИСПОЛЬЗОВАННЫХ ИСТОЧНИКОВ

1. Turner – Warwik M. Can asthma be cured? // Clin.Exp.Allergy.- 1991.-Vol.21, suppl.1.- P.105-110.

2. Чучалин А.Г. Бронхиальная астма // Русский медицинский журнал.- 1995.-№ 2.- С. 7-10.

3. Debelic M. Besonderheitin des Asthmas bei Kindern und Jugendeichen //Atemwegs und Lungenkrankh.- 1992. – Bd. 18, № 1.-S.980-987.

4. Mutius E., Martines F. D. et. Al. Prevalense of Asthma and Atopy in Two Areas of West and East Germany //Am. J. Respir. Crit. Med.- 1994.- Vol.№ 149.- P.358-364.

5. Маланчиева Т.Г., Шамова А.Г. Распространенность и структура бронхиальной астмы среди детского населения //Сб.резюме 5-го Нац.Конгресса по болезныя органов дыхания.- М., 1995.- №1032.

6. Соколова Л.В. Диагностические ошибки при бронхиальной астме у детей // Пульмонология.- 2002- №1 – С.72-77.

7. Чучалин А.Г. Бронхиальная астма и астмаподобные состояния // Русский медицинский журнал. - 2002. – Т. 10, №5 – С. 232- 235.

8. Kelloway JS., Wyatt RA., Adlis SA. Comparison of patients` compliance with prescribed oral and inhaled asthma medication // Arch Int Med.- 1994.- №154.- P.1349 – 1353.

9. Busse W., Raphael GD., Galant S, et.al. Low-dose fluticasone propionate compared with montelukast for first-line treatment of persistent asthma: a randomized clinical trial //J Allergy Clin Immunol – 2001.- № 107 – P.461-468.

10. Carr W., Zeitel L., Weiss K. Asthma mortality in Russia between 1980-1989 // Eur.Respir. J.- 1999. - №13 (2). – P. 278-289.

11. Геппе Н.А., Малышев В.С., Селиверстов Н.А. и др. Бронхофонография в комплексной диагностике бронхиальной астмы у детей. //Пульмонология.- 2002.- №5.- С 33-39

12. Коровина Н.А. , Овсянникова Е.М., Данилова И.Е. Комплексная терапия обструктивного бронхита с применением фенспирида (Эреспала) у детей раннего возраста // Клиническая фармакология и терапия.- 2001.- №5.- С.-1-4.

13. Мизерницкий Ю.Л. Клинические варианты бронхообструктивного синдрома у детей раннего возраста // Вопросы охраны материнства и детства. – 1992.- № 6-7.- С. 18-22.

14. De Montis ., D. Berman. Y. Diof – on abahdonner le diagnostic de bronchite asthmatiform? // Ann. Pediatr. – 1989.- Vol. 36, № 6. – Р. 603-606.

15. Turner – Warwik M. Can asthma be cured? // Clin.Exp.Allergy.- 1991.-Vol.21, suppl.1.- P.105-110.

16. Чучалин А.Г. Бронхиальная астма // Русский медицинский журнал.- 1995.-№ 2.- С. 7-10.

17. Флетчер Р., Флетчер С., Вагнео Э. Клиническая эпидемиология. Основы доказательной медицины. – М,1998.- С.100.

18. Середа Е.В. Современная терапия при бронхитах у детей / Е.В. Середа // Детский доктор.- 2000.- Специальный выпуск.

19. Новиков П.Д., Новикова В.И. Бронхиты у детей /– Витебск, 1998. - 153с.

20. Самсыгина Г.А, Зайцева О.В. // Педиатрия. – М., 2000.- Приложение.

21. Malmstron K., Rodriguez-Gomez G., Guerra J., et.al. Oral montelukast, inhaled beclometasone, and placebo for chronic asthma: a randomized, controlled trial //Ann Intern Med. -199/- №130.- P.487-495.

22. Jaakkola JJ., Gissler M., Maternal smoking in pregnancy, fetal development, and childhood asthma, Am J Public Health.- 2004.- № 94 (1). – P. 136-140.

23. Новиков П.Д., Новикова В.И.. Бронхиты у детей /– Витебск, 1998.- 153с.

24. Артамонов Р.Г. Рецидивирующий бронхит. // Болезни органов дыхания у детей.- М., 1987.- С.246-253.

25. Огородова Л.М. Тяжелая бронхиальная астма у детей/ Л.М.Огородова // Consillium medicum: Приложение .-2001.- С. 25-33.

РАХИТ АУРУЫ ... ол қандай дерт?

Sakura — Sat, 02 Aug 2014 09:39:31 GMT

РАХИТ АУРУЫ ... ол қандай дерт?

“Рахит” ауруы Д дәруменiнiң жетiспеуiнен болады. Бұл дәрумен бөбек тәнінде сүйектiң өсiп-жетiлуiне қажетті кальций, фосфор элементтерiмен қамтамасыз етiлуiне көмектеседi. Бала рахитке ұшырап қалмады ма екен? – деп босқа үрейленбеу үшiн оның негiзгi белгiлерiн бiлу қажет. Олар мыналар: нәресте терлей бередi, әсiресе басы, шаштың арасы, екi алақаны мен табаны терге шылқып тџрады. Мазасы қашып, жылай бередi, шашы сиреп, желкесi тақырланып қалады. Осындай белгiлер байқалған бала дер кезiнде емделмесе әрi қарай дамуы, оның iшiнде еңбектеуi, жүруi, тiсiнiң шығуы да тежеледi. Сүйек ақауға ұшырап, кеудесi алға, арқасы артқа кетедi, бас, аяқ бiтiмi бұзылады. Жүректiң, өкпенiң, асқазан-iшек жолының жұмысында да ақау пайда болады. Iштiң қатуы жиiлейдi, терiсі бозарады.

Рахит дертінен тек дәрiгер емдейдi. Д дәруменiнiң қандайын, қаншасын iшу керектігін белгiлейдi. Қазiргi ем рахиттен толық айықтырады. Сондықтан, баланың бойында аурудың осы секілді белгiлерi байқалды дегенше, мiндеттi түрде маман педиатр-дәрiгерге апарыңыз. Ем неғұрлым ерте басталса, солғұрлым ерте нәтиже бередi. Және бiр ескеретiн жағдай рахиттен сақтануда да, емделуде де нәрестенi дұрыс қоректендiрудiң, таза ауаға, күннiң көзiне жиi әрi жүйелi шығарудың пайдасы зор. Бұл сырқаттың күз бен кыста көп кездесетiн басты себебi, бөбектердiң салқын кезде сыртқа, таза ауа мен күн көзiне шыға бермейтiндiгінен.

ПСОРИАЗ ДА БІР ПӘЛЕ

Sakura — Sat, 02 Aug 2014 09:35:57 GMT

ПСОРИАЗ ДА БІР ПӘЛЕ

“Қабыршықты темiреткi” созылмалы сырқат. Оның қыс, жаз және қыста да жазда да кездесетiн түрлерi бар. Қысқы түрiнен сақтанып, өршудің алдын алу үшiн жылы киiніп, суыққа ұрынбау қажет. Жазғы түрiнде ыстықтан, күн нұрынан қорғану шарт. Аралас түрi жылдың қай мезгiлiнде де сақтануды керек етедi.

“Қабыршықты темiреткiнiң” негiзгi емi:

* Антигистаминдiк және сенсибелизациялайтын (бөгде заттары сезiмталдықты төмендететiн) дәрiлер, тыңайтатын дәрумендер қабылдау және тәндi тазалайтын шаралар қолдану, арақ-шарап iшуден, темекi шегуден аулақ болу, салауатты өмiр салтын ұстану.

Емнiң шипасы:

* Сырқаттың бауыр, өт жолында, жалпы тәнiнде қабыну болмауын, көңiл күйiн қалыпты (торықпаудан ада) жағдайда ұстау, осы кеселдерден айығудың бірден бір емі.

Бұл жараның тұқым қуалауы да мүмкiн. Әкесi не шешесi “қабыршықты теміреткiден” зардап шегіп жүргендер салауатты өмiр салтын ұстанып, күтiнiп, сақтанып жүруi тиiс.

Жалпы бұл дерттің пайда болуының негізгі себебi белгiсiз. Дегенмен, оған алғышарт жасайтын инфекциялық аурулар, күйзелiс (торығу-стресс) және тұқым қуалаушылық сияқты факторлар екенi даусыз.

“Қабыршықты темiреткi” созылмалы сырқат болғандықтан, бiрден жазылып кетпейдi. Алайда, оның емделiп, күтiнiп жүрген жағдайда ремессиялық кезеңi, яғни, бетi қайтып, байқалмай жүретiн кезеңi ондаған жылға созылуы да мүмкiн. Сондықтан, дерттің алдын орап, алдын ала сақтанып, салауатты өмiр салтын ұстануға машықтану, жай-күйдің де қалыпты жағдайда болуына негіз қалары сөзсіз.