Аталық без бен ұрықтық өзекшенің шемені - көкет жапырақшаларының арасындағы экссудат немесе транссудаттың (сұйықтықтың) жиналуы. Аталық бездің жарақаты қабынуы (туберкулез кезінде), спецификалық емес эпидидимит, шошқатамақ, аталық бездің ісіктері, кейде варикоцеле нәтижесінде дамиды. Себебін анықтауға мүмкіндік болмаса, ол идиопатикалық гидроцеле деп саналады. Жедел гидроцеле кейде аталық без ісіктері кезінде дамиды - пункция және сұйықты сорып алғаннан кейін, сипау арқылы аурудың себебін анықтайды.
КӨРІНІСІ
Тығыз, серпінді, ауру сезімінсіз, беті тегіс, көлемі кейде үлкен болатын түзіліс, бір жақты немесе екі жақты болуы мүмкін.
ЕМІ
Жаңа туған нәрестелерде шемен әдетте өз бетінше кетеді. Кішкентай балаларға, бір рет жасалатын, пункциямен шемен қапшығының құрамын сорып алу процедурасы жеткілікті болады. Ересек адамдарда мұндай әрекеттер, әдетте, нәтиже бермейді. Дерттің қайталануы мүмкін. Сондықтан ересек адамдардағы емі - оперативті.
Ем жақсы нәтиже береді. Симптоматикалық шемен кезінде емнің нәтижесі негізгі ауруға байланысты.
С. Каримова
|