БАУЫР ҚЫЗМЕТІ БҰЗЫЛУЫ
БЕЛГІЛЕРІ
* Оң жақ қабырға асты аймағында ауру сезімі немесе жағымсыз сезінулер.
* Бауырдың үлкеюі.
ДӘРІГЕРГЕ ҚАШАН ҚАРАЛУ КЕРЕК?
Бауыр қызметі бұзылыстарының алғашқы белгілері байқалған кезден-ақ дәрігерге қаралу керек.
ҚАУІП ФАКТОРЛАРЫ
* Құрамында көп мөлшерде крахмалы бар азықтарды жиі қолдану (ақ ұннан жасалған тағамдар, картоп).
* Мөлшерден тыс тамақтану (әсіресе ұйықтар алдында).
* Ас мәзірінде қуырылған және бұқтырылған тағамдардың көп болуы.
ҚАУІП ФАКТОРЛАРЫН ҚАЛАЙ ЖОЮҒА БОЛАДЫ?
* Ас мәзірінен алкогольді, қуырылған және бұқтырылған етті алып тастау.
* Қымыздық (щавель), рауғаш (ревень) және саумалдық (шпинат) қолдануды азайту (бұлар кальций мен темірдің сіңірілуіне кедергі жасайды).
* Күнделікті сүт тағамдарын, балық, жұмыртқа жеп тұру керек.
* Күн сайын сарымсақтың 1-2 тісшесін жеу.
* Жалбыздың (мята) тұндырмасын - 1 стақан қайнаған, ыстық суға -2 шай қасық жалбыз салып, бір тәулік бойы ішу.
* Ұйықтар алдында көп тамақ жемеу.
* Тамақтану арасында 2 л су ішу (2-3 жұтымнан).
* Ұйықтар алдында 1 стақан салқындаған, қайнаған су ішу керек. Жатар алдында 1шай қасық бал және бірнеше тамшы лимон шырыны қосылған су (цитрустар мен балға аллергияңыз болмаған жағдайда) ішу. Сусынды ішер алдында 1-2 сағат тамақ қабылдамау керек.
ЕМ КЕЗІНДЕГІ КӨМЕК
* Аптасына 1рет жеміспен тамақтану: мәселен, 2 кг қиярды күніне 5 кезекпен қабылдау, аптасына 1-2 рет 1,5 қарбызды 5 кезекпен қабылдау.
* Ас мәзіріне асқабақ шырынын немесе асқабақ ботқасын, сұлы қайнатпасын, сәбіз қайнатпасын, қозықұйрық, теңіз қырыққабатын, қызылша қосу керек.
|