Ботулизмнің қоздырғышы - өте күшті улы зат бөледі. Ол улы зат асқазан мен ішекке сіңіп, осы ауруды шақырады.

Ауруды консервіленген тағамдарды (көбінесе үй жағдайында жасалған) қолданған кезде жұқтырып алу мүмкіндігі зор.

Жасырын кезең бірнеше сағаттан 2-5 күнге дейін созылады.

КӨРІНІСІ

Жедел гастриттің белгілерінен басталуы мүмкін ( іштегі ауру сезімі, құсу, лоқсу, жүрек айнуы). Көздің көруі нашарлайды. Көмей мен жұтқыншақ бұлшық еттерінің салдануы дамиды. Өте ауыр жағдайында тыныс алу бұлшық еттерінің салдануын шақыруы мүмкін.

АУРУДЫҢ АЛДЫН АЛУ ШАРАЛАРЫ

Үй жағдайында консервілеудің ережелерін қатаң сақталуы тиіс. Үй консервілерін пайдаланудың алдында оларды міндетті түрде қайнатқан дұрыс. Ең дұрысы, тұрмыс жағдайында дайындалған консервілерді қолдан сатып алмаған абзал. Қақпағы ісінген банкілердегі азықтарды ас ретінде қолданбаған жөн.

Аурудың алғашқы белгілері білінісімен, бірден дәрігерге қаралу керек. Ботулизм - өте қауіпті дерт.

Ауыр жағдайларда 3-5 күн аралығында тыныс алу бұлшық еттерінің салдануынан, емделмеген жағдайда, науқас адамның өліп кетуі де мүмкін.

С. Каримова