ДАҚТАР ЖАЙЫНДА

   Терiде кездесетін әр түрлі дақтардың адамға қолайсыздық тудыратын кездері көп. Мысалы, беттегі секпіл, қалдар мен меңдер. Бұлардың iштен туа бiтетіндері де жоқ емес.

  Ал осыларды түптің-түбінде алдырып тастауға бола ма? Медицинада алдыруға болатындығы негізделген. Алайда, оны алғанда орнына дененiң басқа бiр жерiнен терi әкелiп жамалады. Сондықтан, егер дақ үлкен болса, ондай отаның ретi келе қоюы екі талай. Осы секілді бет-ауыздан ұшық кетпей қоятын кездері жиі кездеседі.

   Ондайда не істеу керек?

* Ұшық (герпес) ауруға қарсы тұратын күшi - иммунитетi әлсiреген адамды жиі айналдырады. Сондықтан, көбiрек жүрiп-тұру жұғымды тамақтану, уайымға берілмеу шарт. Дәрiгерге көрiнiп, иммунитеттi көтеретiн дәрi-дәрмек қабылдау керек.

* Ұшықтың кетпей қоюына ауыз, құлақ, мұрын, тамақ төңiрегiндегi қабынулар да қозғау салуы мүмкiн.

  Мәселен, қанқұртқа ұшыраған тiс, тонзилитке шалдыққан тамақ, гайморитке ұшыраған кеңсiрiк, отит айналдырған құлақ, т.б. Сондықтан, ұшыққа қарсы амалды әуелi осы кеселдерден тексерiлiп, бар болса емдетуден, инфекция ошағынан құтылудан бастаған жөн.