Омыртқааралық дискінің жарығы - омыртқа жотасының зақымдануы нәтижесінде пайда болатын омыртқааралық дискінің томпаюы.

ҚАУІП ФАКТОРЛАРЫ

* Физикалық зорығу.

* Вибрация, мысалы, көлік жүргізу кезінде.

* Омыртқа жотасының ақаулары.

* Омыртқааралық буындар саңылауларының дұрыс орналаспауы.

* Омыртқа өзегінің туа біткен тарлығы.

* Аз қозғалу.

* Темекі тарту, семіздік.

АУРУДЫҢ БЕЛГІЛЕРІ

ОМЫРТҚА ЖОТАСЫНЫҢ МОЙЫН БӨЛІГІНДЕГІ ДИСКІНІҢ ЖАРЫҒЫ 

* Мойынның артқы тұсындағы ауық-ауық қақсап ауыратын, бұлшық еттердің сіресуімен қосарласқан ауру сезімі. Ауру сезімі басты бұрған кезде және иекті кеудеге қарай жақындатқанда, сол сияқты жөтелген кезде күшейеді.

* Ауру сезімі қолға да беріліп, қол шаншып, ұийды.

ОМЫРТҚА ЖОТАСЫНЫҢ КЕУДЕ БӨЛІГІНДЕГІ ДИСКІНІҢ ЖАРЫҒЫ

* Кеуде және бел аймағындағы ауру сезімімен сипатталады. Жөтелген кезде және түшкірген кезде ауру сезімі күшейеді.

ОМЫРТҚА ЖОТАСЫНЫҢ БЕЛ БӨЛІГІНДЕГІ ДИСКІНІҢ ЖАРЫҒЫ 

* Белдегі ауру сезімі күш түскенде, орашолақ қимылдағанда немесе тоңғанда шығады.

* Кенеттен өткір ауру сезімі пайда болады. Қозғалған кезде, отырғанда, тұрғанда, ауыр зат көтергенде, еңкейгенде, бұрылғанда, жөтелгенде және түшкіргенде жай таптырмай ауыратын болады.

* Бел тұсындағы қозғалыстар белсенділігі төмендейді, ұстаған кезде ауырады және бұлшық еттердің сіресуі байқалады.

ЕМІ

КОНСЕРВАТИВТІ (отасыз): 

* Төсектік режим.

* Анальгетиктер.

* Тамыр препараттары.

* Дәрумендер.

* Жылы физиоем (өршу басылғаннан кейін).

* Жұмсақ корсет кию.

* Өршу кезеңі басылғаннан кейін үгу (массаж).

* Омыртқа жотасын созу.

* Емдік денешынықтырулар.

Аурудың алғашқы белгілері пайда болғанда-ақ - дәрігерге қаралу керек!

ХИРУРГИЯЛЫҚ ЕМ 

* Консервативті ем нәтиже бермеген жағдайда хирургиялық ем жасалынады.

АУРУДЫҢ АЛДЫН АЛУ ШАРАЛАРЫ

* Дене жаттығуларын жасау, шынығу.

* Дұрыс тамақтану.

* Ауруды шақыратын жағдайларды жою (мысалы, ауыр заттарды көтермеу, шалт қимылдар жасамау).

 С. Каримова