Тершеңдiк те ауру, медицинада оны гипергидроз деп атайды. Вегетативтiк жүйке жүйесiндегi ақаудан болатын бұл сырқат көбiне күйгелек, өзiне-өзi сенiмсiз адамдарды айналдырады. Ал одан қалай құтылуға болады?
Қазiргi жаз кезiнде күнге қыздырынудың пайдасы мол. Тер бездерi (тер бөлетiн) негiзiнен бетке, қолтық астына, алақанға, өкшеге орналасқан. Күнге әсiресе осы “проблемалы” тұстарды қыздырған дұрыс. Бiрақ терiнiң күйiп кетуiнен сақтану керек. Сондай-ақ бұл аймақтарды қып-қызыл болып шыққан шаймен, лимон шырынымен (шай қасықтың төрттен бiр бөлiгiндей мөлшерде жарты стақан суға қосып), осы мөлшерде осы қалыппен асханалық сiрке суымен (уксус) сүртiп тұрудың да шипалық әсерi бар. Аздап марганцовка қосылған ваннаға күнделiктi түсу де терден құтылуға көмектеседi. Одан кейiн әбден құрғатып сүртiнiп, проблемалары тұстарға ұнтақ (присыпка) немесе дезодорант сеуiп тастау керек. Қолды бiр литр суға бiр шай қасық мүсәтiр спиртiн (нашатырный спирт) ертiп, сонымен жуған жақсы (алақанды терден құрғатады).
Осы айтылғандардың үстiне көрiнген ұсақ-түйекке толғанбай, босқа күйiп-пiспей, қысылып, қымтырылмай жүруге үйренсеңiз, тершеңдiктi қалайда тежейсiз.
Мәулен ЕЛШIБЕК
|