Жөтел әртүрлi себептерден әртүрлi болып келiп, неден болғанын бiрден бiлудi әрдайым қиындатады.
Мысалы кейбiр аурулар өкпе құрты, қызылша, тұмау, круп (көмейдiң жедел қабынуы) және, мiндеттi түрде, жөтелден басталады. Мұндайда жөтелмен емес, жөтелдi қоздырған аурумен айқасып, сосын жөтелмен жол-жөнекей күресу керек.
Адамдар, көбiнесе, суық тигiзгенде жөтеледi. Мұндай жөтелге мия шелпектерiн соруға кеңес беремiз. Ал жөтел күшейiп бара жатса мынандай шараларды қолданыңыз:
1. Бiр ас қасық анис ұрығын (семена аниса) бiр шай қасық балмен (аллергия болмаса) араластырып 1/4 стақан суда қайнатып, күнiне 4-6 ас қасығын iшу.
2. Бiр үлкен не екi кiшiрек бас пиязды ұсақтап турап, түнге қарай екi ас қасық қант сеуiп қойып ертесiнде аз-аздан түгелiмен тауысып жеу. Егер кiмде-кiм тәттi пиязды жей алмаса ен құрығанда сөлiн сору. Осылай бiрнеше күн қайталау.
3. Күнiне екi шыны қайнаған қылшанын (эфедра, мәңгi жасыл өсiмдiк) суын iшу. Кейде қылшаны Кузьмичев шөбi деп те атайды.
Егер жөтел кезiнде ауыз шырышты сiлекейге қақырыққа толып түкiрiк жақсы бөлiнбесе онда мынандай шараларды қолданған дұрыс.
1. Күнiне 1-2 шыны құлқайыр (алтей) тамырының ыстық тұнбасын iшу. Бiр шай қасық тамырды бiр стақан ыстық суға тұндыру.
2. Аш қарынға жарты шай қасық сода мен бiр шымшым тұз салған жылы судан жарты стақанын күнiне екi рет iшiп тұру.
Тез суық тиiп, үнемi жөтелiп жүретiндерге көктемде қайың шырынын сүтпен, бiраз ұн не крахмал араластырып iшу шипалы. Сонымен қоса шайдың орнына қой бүлдiрген немесе құлпынай тұндырмасын iшкен де пайдалы.
С. Каримова
|